Gunnar Þór Bjarnason, ​Gunnar Helgason og Einar Már Guðmundsson hlutu Íslensku bókmenntaverðlaunin sem forseti Íslands afhenti verðlaunin við hátíðlega athöfn á Bessastöðum 10. febrúar. Gunnar Þór Bjarnason í flokkinum Fræðirit og bækur almenns fyrir bókina Þegar siðmenningin fór fjandans til. Gunnar Helgason í flokknum Barna- og ungmennabækur fyrir bók sína Mamma klikk! Einar Már var verðlaunaður í flokknum Fagurbókmenntir fyrir bókina Hundadagar. Íslensku bókmenntaverðlaunin nema einni milljón króna fyrir hvert verðlaunaverk.
Verðlaunin eru kostuð af Félagi íslenskra bókaútgefenda og auk þess er verðlaunahöfum afhent skrautrituð verðlaunaskjöl og verðlaunagripir, hannaðir af Jóni Snorra Sigurðssyni á gullsmíðaverkstæði Jens; opin bók á granítstöpli með nafni verðlaunahöfundar og bókar hans.