Haustið 2017 skipaði þáverandi mennta- og menningarmálaráðherra Kristján Þór Júlíusson starfshóp um gerð bókmenningarstefnu. Hópnum var gert að móta bókmenningarstefnu og skila tillögum um hvernig stuðningskerfi rithöfunda sé best háttað, námsbókaútgáfu, rafrænu námsefni og hljóðbókum, útgáfu barnabóka og kaupum safna á bókakosti.
Starfshópinn skipuðu: Kristrún Lind Birgisdóttir formaður, Páll Valsson skipaður án tilnefningar, Egill Örn Jóhannsson tilnefndur af Félagi íslenskra bókaútgefenda, Kristín Helga Gunnarsdóttir tilnefnd af Rithöfundasambandi Íslands, Salka Guðmundsdóttir tilnefnd af Miðstöð íslenskra bókmennta, Jón Yngvi Jóhannsson tilnefndur af Hagþenki og Sigurður Guðmundsson tilnefndur af fjármála- og efnahagsráðuneyti.  

Skýrslan er birt á vef stjórnarráðsins á vefsíðunni: https://www.stjornarradid.is/lisalib/getfile.aspx?itemid=196c1035-18a1-11e8-9428-005056bc530c